CHOP HILARY

Chop Hilary wszyndy sznupie

Loto, wrzeszczy, krykom klupie

Już przekopoł wszystkie szranki

Stary prykol, dwie leżanki

Nawet sznupoł we komodzie

Kaj mioł bryle trzimać w modzie

Wszystkie kapsy poprzewracoł

Nikaj bryli miy namacoł

Połotwiyroł wszystkie dżwiyrze

Sznupoł nawet we klawiyrze

Już się zmochoł tak kompletnie

To pod nosym zaklon szpetnie

'' Niych to jasny pieron szczeli

Nikaj nima mojich bryli

Niych przijedzie tukej władza

Bo som znoś ich niy poradza''

Jak przełaził wele żradła

Zaroz giymba mu łopadła

Tela szukoł, stargoł lacie

A bryle mioł na cyferblacie.

---