Artist: Georg Danzer
Song Titel: Lang Is' Her
Album:
-------------------------------------------------------------------


er zünd´t si a zigrettn au, schalt´s radio auf verkehr

im rückspiegl die autobahn is unbefahrn und leer

a triaba sundach vormittag

es tuat si nix, ka blattl fliagt im wind

er gibt a bissl gas, doch ned zu vüh

er waß, er wüh zu frau und kind

der frühling laßt si zeit, die sun hat überhaupt ka kraft

im schatt´n is no schnee, der see liegt stüh, als ob er schlaft

er denkt an nix bestimmtes

die gedanken ziagn flügellahm dahin

doch ganz tiaf drinnen fragt er si´

wia bin i nur der wurd'n, der i heut´ bin

er fahrt vorbei an aner großen neuchen raststation

vor zwölf joa war da nur a tankstöh mit an telefon

da hat er immer angruafn

wann er si hamlich troffen hat mit ihr

da war er no verheirat, aber nur

wia´s so scheh haßt, auf´n papier



lang is´ her, lang is´ her, lang is´ her



er stellt si vor, wi´s sei wird, wann erst alles wieder bliaht

draht voll des heizgebläse auf, weu eam in d'zechn g'friat

er denkt, i sollt zum rauchn aufhörn

in mein alter war's jetzt langsam zeit

doch gleichzeitig da g'spiat er

daß des rauchen eam als anziges no g´freut

er zünd´t si wieder ane au und kurbelts fenster auf

da fahrtwind blast eam kalt ins g'sicht, doch des nimmt er in kauf

die luft vertreibt den g'ruch

und die nacht in dem hotöh war ned sehr lang

er kann si ned an vüh erinnern

aber sie war halbwegs hübsch und schlank

der frühling laßt si zeit, die sun hat überhaupt ka kraft

und plötzlich fragt er si´, wia er des bis daham no schafft

so sehr er si bemüht

er find' auf amoi in sein ganz´n lebn kann sinn

und immer öfter fragt er si´

wia bin i nur der wurd´n, der i heut´ bin

lang is´ her ...