Artist: Georg Danzer
Song Titel: Hans
Album:
-------------------------------------------------------------------


na, hans, i schreib da ned, des hätt' kan sinn

weu i bin draußen owa du bist drin

jezd bisd a g'mochter mau, jezd hasdas g'schafft

du hasd es durchdruckt mid da gaunzn kroft

waun i dei nummer hätt', i rührert mi scho

nua duat wosd du bist, gibt's ka telefon



du warst ois kind scho gaunz vorn dabei

hasd immer mitg'mischt in da erst'n reih

mit olle mittln, mit olle tricks

scho daumois warst a klana "scheiß-mi-nix"

und i hab di bewundert, i gib's jo zua

nua daumois war i no a dummer bua, - jo



und du hast ollas auf a kart'n g'setzt

nur sog ma ehrlich, hans, wia fühlst di jetzt?

du hast da mid dein ehrgeiz ollas zerstört

hat si des auszoit? war's des wirklich wert?



na, hans, mia brauchst ned schreibn, wias da jetzt geht

i waß des eh, weu's in der zeidung steht

jo du warst jo immer scho da hans im glück

doch a für so an gibt's ein mißgeschick

und unter uns g'sagt, i bedauer di ned

weus nur mid glück und tricks alan ned geht, - na



ja, du hast ollas auf a kart'n g'setzt

nur sog ma ehrlich, hans, wia fühlst di jetzt?

dei einsatz war sehr hoch und hoch hast verlurn

hat si des auszoit? bisd jetzt g'scheider wurn?