БАЛЕСНЫЯ ТАЯМНІЦЫ РУЖАНЦА

Таямніца 1. Малітва ў садзе Аліўным

Малітва ў садзе Аліўным –
Малітва сэрца і слѐз...
Сам Езус сэрцам маліўся,
Каб мінуў Яго цяжкі лѐс...

Узносіў малітву у смутку,
Звяртаючыся да Айца:
Няхай жа міне горкі келіх,
Калі, Ойча, воля Твая!

У пакоры і чыстым сэрцам,
З даверам усклікаў да Айца:
- Прабач, Ойча наш, усім грэшным –
Хай споўніцца воля Твая!

А Божая воля – у збаўленні
Усіх грэшнікаў, Божых дзяцей!
Прабач, Ойча наш, усе правіны,
Любоўю Сваѐю сагрэй!

О, міласэрны Езу! Учыні, каб у сучасных сем'ях кожны дзень узносіліся
супольныя малітвы, таму што малітва яднае сэрцы ў любові да Бога і бліжніх!

Маці Божая Балесная – заступіся за нас!



Таямніца 2. Бічаванне Езуса

Езус цяжка змучаны,
Моцна збічаваны,
Церпіць боль і здзекі,
А на Целе – раны...

Раны, што палаюць
Ад удараў жорсткіх
І Крывѐй струменяць
На злачынцаў дзѐрзкіх,

А злачынцы бачаць
Жудасныя мукі
І мацней бічуюць,
Звязваючы рукі...

Езус-Збаўца церпіць
За нашыя правіны,
Бо любоў святая –
Вечны скарб адзіны!

З любові да грэшнікаў
Удары Бог прымае,
Ранамі Сваімі
Нас аздараўляе!

О, міласэрны Езу! Праз Свае святыя Раны аздараві сучасныя сем'і, каб у іх
запанавалі супакой, згода і ўзаемаразуменне і каб зніклі спрэчкі, нянавісць і
здрады!

Маці Божая Балесная – заступіся за нас!


Таямніца 3. Укаранаванне Езуса цернем

Укаранаванне цернем…
Цяжкія пакуты...
На сябе прымае
Грахоў нашых путы

Езус – ціхі сэрцам,
У натоўпе гучным
Моўчкі пазірае
На тых, хто Яго мучыць:

Хто вянок цярновы
На галаву ўскладае,
Хто палае гневам
І смерці жадае...

Езус прабачае
Усе злачынствы, здрады
Тым, хто парушае
Божыя загады.

Бо любоў святая
Моўчкі ўсѐ зносіць
І не ганарыцца,
Прабачэння просіць!

- Ойча! Ты прабач ім!
Не ведаюць, што чыняць –
Дай ім навяртанне
І не дай загінуць!!!

О, міласэрны Езу! Навучы нас прабачаць і прасіць прабачэння ў бліжніх, таму
што прабачэнне, асабліва ў сям'і, прастуе сцежкі да больш глыбокага духоўнага
адзінства і чысціні сэрца!
Бласлаўлѐныя чыстыя сэрцам, бо яны Бога ўбачаць!

Маці Божая Балесная – заступіся за нас!


Таямніца 4. Крыжовы шлях Езуса на гару Кальварыйскую

Крыжовы шлях на Галготу –
Шлях пакутаў , смутку і слѐз,
Але Езус крочыць да мэты:
Крыж на плечы ўсклаў і панѐс,

Тройчы ўпаў Ён пад цяжарам Крыжа,
Але мэты Сваѐй дасягнуў,
Бо любоўю Сэрца палала
І злы дух Яго не закрануў.

Езус – чысты, нявінны, бязгрэшны
На Сябе ўзяў Крыж нашых грахоў,
Каб з любові даць нам Сваѐ Цела
І праліць Сваю збаўчую Кроў,

Тую Кроў, што з грахоў ачышчае
І знішчае боль, смутак і страх,
Жыццѐ вечнае нам абяцае,
Калі каемся мы у грахах!

Таму дзякуем шчыра,о Езу,
Што нам шлях да збаўлення адкрыў,
Узнімаючы з багны грахоўнай,
Нас любоўю святой адарыў!

О, міласэрны Езу! Навучы нас з цярплівасцю і ў пакоры сэрца браць свой крыж
штодзѐнных сямейных абавязкаў і, сумленна іх выконваючы, служыць нашым
бліжнім у сям'і, праслаўляючы праз гэта Пана Бога!

Маці Божая Балесная – заступіся за нас!

Таямніца 5. Укрыжаванне і смерць Езуса на Крыжы

Укрыжаваная любоў –
Крыніца суцяшэння!
Укрыжаваная любоў –
Душы аздараўленне!

Гляджу ў задуме я на Крыж
І сэрцам разважаю,
І боль Хрыстовых усіх пакут
З любоўю я прымаю...

Прымаю сэрцам і душой,
Хоць усѐ здаецца жахам,
Але праз смутак, слѐзы, боль
Правіны стануць прахам

І знікне цень грахоў маіх,
Калі ўсклікну сэрцам:
- О Езу мой! Прабач мяне!
Дай для граху памерці!

Укрыжаваная любоў –
Крыніца суцяшэння!
Укрыжаваная любоў –
Душы маѐй збаўленне!

О, міласэрны Езу! Дапамажы, каб сем'і сучаснага свету ўдасканальваліся ў
цнотах веры, надзеі і любові! Навучы нас, Божа, любіць сваіх бліжніх так, як
Езус нас узлюбіў: проста, шчыра і бескарысліва!

Маці Божая Балесная – заступіся за нас!



Разважанні падрыхтавала Анастасія-Алена Блусянкова ©
(парафія Святых Сымона і Алены , горад Мінск)