Pan Hilary po śląsku

Loto, tyro pan Hilary

Do dekla mu piere

Bo kajś borok posioł swe brele.

Szuko w galotach,kabot obmacuje,

Przewraco szczewiki,psińco znajduje.

Bajzel w szranku i w byfyju

Tera leci do antryju.

"kurde" -woła-"kurde bele!

Ktoś mi rombnoł moje brele!"

Wywroco leżanka i pod nia filuje,

Borok sie wnerwio,gnatow juz nie czuje.

Sztucho w kachloku,kopie w kredynsie,

Glaca spocono,caly się trzynsie.

Pierońskie brele na amyn kajś wciyło

Za oknym już downo blank sie sciymniło

Do zrzadła oroz zaglondo Hilary-

Aż mu po puklu przefurgły ciary.

Spoziyro na kichol,po łepie sie puko,

Bo znojdly sie brele - te, co tak ich szukoł.

Czy to ni ma gańba? -Powiydzcie sami,

Mieć brele na nosie a szukać pod ryczkami.

---