Paweł i Gaweł po śląsku

Uwe i Wili ( Paweł i Gaweł)

Uwe i Wili w jednym stali domie,

Uwe na wierchu, a Wili na dole.

Uwe spokojny nie wadzioł nikomu,

a Wili wyrabioł choby we stodole.

To pies, to hazok, ciepał w nim ryczkami,

Gupioł i turpioł i durch trzaskoł dźwierzami.

A kady szczykać naczął z gazpatronów,

To dymu pełno było w cołkim domu.

Uwe sie wnerwioł i ślozł na dół do niego

I pado: "Wili, jo nie strzymia tego!"

A Wili na to: "Co komu do jemu, a jemu do komu,

Ty pieroński giździe, jo jest w swoim domu."

Uwe po gowie się ino poskrobał ,

Poszoł do siebie i coś medytował...

Rano Wili jeszcze na szezlongu chrapie,

A tu coś z gipsdeki na kicholmu kapie.

Serwał sie Wili, leci ku górze.

Stuk! Puk! Zawarte!!!

Dał oka ku dziurze, filuje

Hen Jezu, cało izba w wodzie,

A Uwe se siedzi z wędką na komodzie.

"Was machts du, Uwe", "Jo se fisza łowie"

"Du bist Idiot, mnie kapie na gowe!"

A Uwe mu na to: "Co komu do jemu, a jemu do komu,

Ty pieroński giździe, jo se w swoim domu."