МАЛІТВА павінна выплываць
з СЭРЦА
Езу, маліся за мяне, маліся ўва мне
Вызвалім наш розум ад усяго, што не
ѐсць Езусам. Калі нам цяжка маліцца, то
будзем безупынна прасіць: “Езу, прыйдзі ў
маѐ сэрца, маліся за мяне, маліся ўва мне, каб
я мог навучыцца ў Цябе, як трэба маліцца”.
Бывае такі час, калі мы не можам
маліцца; тады папросту дазволім Езуса
маліцца ў нас да Айца ў цішыні нашых
сэрцаў. Калі мы не ў стане гаварыць,
гаварыць будзе Ён. Калі мы не здолеем
маліцца, маліцца будзе Ён. Аддадзім Яму
нашу нямогласць і мізэрнасць.
Любі малітву
Любі малітву, разбудзі ў сабе патрэбу
часта маліцца на працягу дня і знайдзі ў сабе
сілу на такую малітву. Калі ты хочаш маліцца
лепш, то павінен маліцца часта. Малітва
будзе пашыраць тваѐ сэрца, пакуль яно не
стане здольным змясціць у сабе той Божы
дар, якім ѐсць сам Бог. Прасі і шукай, і тваѐ
сэрца стане дастаткова вялікім, каб прыняць
Яго і захаваць як сваю ўласнасць.
Малітва павінна выплываць з сэрца
Каб малітва была плѐннай, яна павінна
выплываць з сэрца і датыкацца да Божага
Сэрца.
Прыгледзімся, як Езус вучыў маліцца
сваіх вучняў. Ён загадаў называць Бога сваім
Айцом, усхваляць і праслаўляць Яго імя,
выконваць
Яго
волю,
прасіць
хлеба
паўсядзѐннага – духоўнага і дачаснага,
прасіць прабачэння за свае грахі і ўмення
прабачаць іншым, а таксама і ласкі
вызвалення ад зла, якое знаходзіцца ў нас і
навокал нас.
Мой сакрэт зусім просты
Мой сакрэт зусім просты. Я малюся і праз
сваю малітву станаўлюся ў любові адным
цэлым з Хрыстом. Таму што маліцца да Яго –
гэта любіць Яго, а значыць, выконваць Яго
словы. Прыпомнім фрагмент Евангелля
паводле святога Мацвея: “Бо Я быў галодны і
вы не далі Мне есці, быў сасмягшы і вы не
далі Мне піць, быў госцем і вы не прынялі
Мяне, быў хворым і ў астрозе, і вы не
адведалі Мяне” (Мц 25, 42-43).
Мае беднякі з усіх трушчоб свету
падобныя да церпячага Езуса. Гэта ў іх Божы
Сын жыве і памірае, праз іх Бог паказвае мне
сваѐ праўдзівае аблічча. Малітва азначае для
мяне яднанне з воляй Езуса на працягу
дваццаці чатырох гадзін у суткі. Гэтае
яднанне дазваляе мне жыць для Яго, праз Яго
і разам з Ім.
Маліся падчас працы
Малітве належыць прысвячаць прынамсі
паўгадзіны раніцай і гадзіну вечарам. Можна
маліцца падчас працы. Праца не перашкаджае
малітве, а малітва – працы. Патрэбна толькі
звычайнае ўзнясенне нашых думак да Яго.
Дастаткова, калі мы скажам: “Люблю Цябе,
Божа, давяраю Табе, веру ў Цябе, Ты
неабходны мне цяпер”. Вось такія звычайныя
словы. Гэта цудоўная малітва.
Проста размова з Богам
Малітва – гэта проста размова з Богам. Ён
гаворыць да нас – мы слухаем. Мы гаворым
да Яго – Ён слухае. Малітва – гэта
двухбаковы працэс: мы гаворым і слухаем.
Часта паўтарай такую малітву: “Езу ў маім
сэрцы, я веру ў Тваю чулую любоў да мяне. Я
люблю Цябе”.
Чым больш ты будзеш маліцца, тым
лягчэй стане для цябе малітва. А чым
лягчэйшай будзе для цябе малітва, тым больш
ты будзеш маліцца.
Езус з’яўляецца малітвай
У рэчаіснасці існуе толькі адна малітва,
адзіная праўдзівая малітва – сам Езус.
Езус уваходзіць у тваѐ існаванне як Хлеб
Жыцця. Прыходзіць, каб ты спажыў Яго. Так
моцна Ён цябе любіць! Але прыходзіць
таксама як той, хто галодны; як бліжні з
надзеяй, што ты накорміш Яго хлебам свайго
