BEROWIE

Na Górnym Śląsku,
przy Odrze w Bukowie,
mieszkają nasi pszociele BEROWIE

Berino rada była jak cerziczka pierwszy kroczek uczyniła
Przed tym bajukała i sztyjc yno płakała.

Tych kroczków uczyniła aże piyńć,
aż praskła i zrobiła bync !

Pryndko sie spamiyntała,
dalij sama pognała

Poczłapała do płotka,
patrzi - zejrzała tam kotka

Czamu kocie,
płaczki ci lecom na płocie

Boch je malutki, straciłech kocij pieśniczki nutki
Mrałczynie mi sie nie udowo
ani jak sie spać kłada, ani jak stowom.

Malutka poradzom pieśniczka ta śpywać
Wiym, że je niedługo, nie krotko, podź bydymy se przigrywać

Matulka mi ta pieśniczka śpiywali,
jak mnie do spanio kolybali

Wloz kotek na płotek i mrugo,
piykno to pieśniczka nie dugo,
Nie dugo, nie krotko gynał w som roz,
zaśpiywej koteczku jeszcze roz

Tatulek uszy zatykoł,
takigo larma juz downo nie słyszał

A JEZUSEK ŚPI SPOKOJNIE / Pastorałka /
/ tekst gwarowy /

Dziecię nom sie narodzioło
w takiej strasznyj biydzie.
Martwiom sie pasterze, martwiom sie pasterze,
co to teroz bydzie.

         Refren: A Jezusek śpi spokojnie,
                       przi nim czuwo Matka Bosko.
                       Józef dziecię po głowisi,
                       Józef dziecię po głowisi,
                        delikatnie głosko.

Pastuszkowie co przyniyśli
jajka, syr i mlyko.
Łotoczyli dziecionteczko, łotoczyli dziecionteczko,
troskliwom opiekom.

         Refren: A Jezusek śpi spokojnie,
                       przi nim czuwo Matka Bosko.
                       Józef dziecię po głowisi,
                       Józef dziecię po głowisi,
                        delikatnie głosko.



Pastuszkowie przigrywajom
cicho na fujarkach.
Dziecionteczku dobrze służy, dziecionteczku dobrze służy,
tako kołysanka.

         Refren: A Jezusek śpi spokojnie,
                       przi nim czuwo Matka Bosko.
                       Józef dziecię po głowisi,
                       Józef dziecię po głowisi,
                        delikatnie głosko.

---