LOKOMOTYWA

Jest na banhowie ciynżko maszyna

Spaśno jak kachlok, niy limuzyna

Stoi i dycho, parsko i zipie

A hajcer jeszcze wongiel w nia sypie.

Potym wagony podpinali

I cołkiym szwongiem kaś pojechali.

W piyrwszym siedziały se dwa Hanysy.

Jedyn kudłaty, a drugi łysy.

Prawie do siebie nic niy godali.

Bo sie do kupy jeszcze niy znali.

Wdrugim jechała banda goroli,

Wiyżli ze sobom skrzinka jaboli

I pełne kofry samych preswusztów

I kabanina prościutko z rusztu.

Pili i żarli, jeszcze śpiywali,

Potym bez łokno wszyscy rzigali.

W trzecim Cygony, Żydy, Araby

Wczwortym jechały zaś same Szwaby,

A w piontym Ruski - ci mieli życie:

Sasza łożarty siedzioł na tricie,

Gwiozda na czopce, stargane łachy,

Krziwioł pycholym i ciepioł machy.

W szóstym jechały same armaty,

Co je wachowoł taki puklaty.

W siódmym dwa szranki, bifyj, wertikoł

Smycy maszyna, może do nikond.

Jak przejyżdżali bez Ślonskie Piekary,

Kaj wom to robiom kółka do kary,

Maszyna sztopła, kofry śleciały

I kożdy lotoł jak pogupiały.

To jakiś pieron, ciućmok i łajza

Cupoł i ślimtoł giynał na glajzach.

Mog iść do hażla, abo do lasa

Niy pokazywać tego mamlasa.

Ale mu potym do szmat nakopali

Maszyna ruszyła, cug jechoł dali.

Bez pola, lasy, góry, tunele

I dar za sobom te duperele

Aż się zagrzoły te biydne glajze

Maszyniok sztopnon i koniec rajze.

---