Tudo tem se limite

Bô papa' ca foi foguęr

Nem tampôc rochegadôr

Nem marinhęr nem catraęr

Nem carpinter nem pędręr

Nem pâder nem pescadôr

E nem tambę um catadôr

Dificuldade bô ca conchęl

Pobreza pa bô ę lenda de gente gintil

Bô liberdade bô ca brigal

Bem dzęm'quem bô ę na vida

Pa julga' realidade Dess nôss pais

Pa mode cristôm ta estod calode

E justiça de povo nunca tem voz

La' de bô tribuna bô ta insulta'

E calunia' 'tę Deus na ceu

Ma cma déboxe de ceu tudo tem se limite

Bô pudęr ca ę infinito

O li ę que ę Cabo Verde