UROCZYSTOŚĆ Z OKAZJI DNIA MATKI 26 MAJ 2009 R.
„DYĆ CIE KOCHOM MAMO!”
POWITANIE GOŚCI
Nikola
Witejcie mili goście! Serduszko fest mi puko, bo godać do gości to naprowda je sztuka.
Zwłaszcza do mie, dziołszki nieśmiałej, przez to o wielko mowa nie proście, jo yno powiym: Niech żyjom nom goście!
Sara
Serdecznie witomy nasze kochane Mamy. Dzisiej jest Wasze świynto, a czy wiycie od kiedy obchodzony je Miyndzynarodowy Dziyń Matki? Posłuchejcie:
Nikola
Maj i wiosną przynosi uczuci, że właśnie zaczynomy życi od nowa. Przez to momy pełno ciekawych pomysłow. Właśnie w maju 1907 roku jakoś Amerykonka zaproponowała, żeby na cześć matek naszykować specjalne świynto - Dziyń Matki. Potym pomysł tyn, przyjon się najpiyrw w od nij rodzinnym mieście - Filadelfii, a potym w całych Stanach Zjednoczonych. W Europie dziyń poświyncony matce pierszo wprowadziyła u siebie Austria. W ślady Austrii poszły zaro kraje skandynawski, a potym inne. W Polsce piyrszy roz Dziyń Matki był w 1923 roku w Krakowie. Dziyń tyn je po to, żeby przynajmij roz w roku ludzie se przypomnieli, a mamy odczuły, jako je ważno od nich rola w społeczyństwie. Od tego czasu dzieci na całym świecie kożdy rok głowkujom, czym zaskoczyć swoji mamy w tym dniu.
CZĘŚĆ ARTYSTYCZNA
Sara
Obejrzcie teraz co my przygotowali na tyn wyjontkowy dziyń.
Piosynka pt.: „Skarb” zaśpiywajom dzioszki z klasy V
Zamkna Twoja twarz zmęczono w obu dłoniach. Mom małe, ale silne rynce!
Siwych włosów na skroniach w tym roku mosz jeszcze wiyncyj i oczy błyszczonce, bo trocha płakałaś.
Pośmiyj się do mie jeszcze roz tak samo
moja ronczka je mocno choć mało pomoże Ci z chynciom bo Cie kochom mamo!
Przedstawiyni „Prezent dla MAMY” . - wystompiom szkolorze z klasy I
Nikola
Bukiet jasny, wonny, świyży przy zygłowku od mamy leży. Jak obudzi się obejrzy
Spyto pewnie "Co to znaczy?" I uśmiychnie się co rano, nasza mama ukochano.
4 melodie na dzwonki - dzieci z klasy III
Julka i Kuba w wierszu „Mysz”
Sara
Dzisio je Twoji świynto i chciałabych Ci powiedzieć, że fest kochom, że fest kochom Ciebie.
Jak Cie ni ma patrza na zegor. Smutno mi je jak kaj idziesz... Odliczom aż przidziesz, wiela
zostało jeszcze godzin... Kiedy bydziesz? To Twoji kroki słysza na schodach choćbyś mamuśko
cicho wchodziyła, najciszyj... Dzisio je Twoj dziyń - ale kochom Cie kożdy dziyń!
Mamuśko ucałuja cie 100 razy dziynnie!
Szymon z Hilarym bydzie szukoł bryli
Wysłuchajmy audycji - Dzieci wiedzom lepij: dzieci
Nikola
Czego Ci życzyć w te Twoi świynto, Mamo? Kożdy rok powtarzom to samo, obiecuja, przepraszom
za te rojbrowani nasze... Dyć, człowiek czynsto o obietnicach zapomino
i to je przyczyna. Bo czy to idzie zawsze przygotować lekcje,
jak bywo, że tak sie nie chce? A chaja na schodach z Ewom - pamiętosz Mamo?
To nie jo, zaczła sie sama... A tera żech zmondrzała i wszystko już bydzie dobrze,
ni miyj jużminy smutnej. Tak chca, żebyś widziała, jak mi się powiedzie
na tym trudnym dorosłym świecie i cieszyła się z mojij roboty, radości zdobyczy.
Tego Ciebie, Mamo, i sobie życzymy.
Piosynka „Dla mamy” zaśpiywajom uczynnice klasy V
Kamil i Błażej w wierszu po śląsku „Siedym dziecek Francka Tydnia”
Sara
1. Moja mama je zwyczajno zwykły człowiek, czy to źle?
Czasym bywo bardzo fajno, czasym nie wiy, czego chce.
2. Moja mama, jeszcze młodo, lubi piyknie ubrać sie.
Czynsto wkurzo jom pogoda, bo z ciśniyniym coś tam źle.
3. Czynsto ni mo do mie czasu i ofuknie tak, że oh!
Nienawidzi też wrzasku, ale jak nie kochać jom!
4. Ona piyrszo pokozała co je dobre, a co złe.
Ona piyrszo nauczyła jak oblykać trzeba sie.
5. Ona zawsze mi wierzyła, nawet kiedy było źle.
Ona jedna zawsze bydzie mimo wszysko kochać mie.
Dorota Wom opowiy jak to Paulek i Gustlik razym se miyszkali
Audycja : Dzieci wiedzom lepij Co to je przyjaźń?
Nikola
Cztyry ściany, okna i dach, i kurz z komina. I już? Ni. I światło jak późno godzina. I już?
Ni. I stoł i chlyb na stole. I ksionżka I ciyń zadumany na czole. I kożdo chwila najmniyjszo,
i wszystko dokoła: droga, słońce powietrze, las, niebo nad Wisłom, autobusy, lody, kino.
i wszystko, i wszystko! I już? Ni, i jeszcze - głos matki. Od nij oczy, od nij rynce.
Dom bez nij - to yno ściany i dach. I nic wiyncyj.
Piosynka „Kochano mamo” zaśpiywo dla Was Justyna
Sara
Mamuśko kochano Tyś czuwała przi moim łożeczku, jak byłach mało. Sypiałaś kochano mamo najwyżyj godzina,i do serca przyciskałaś swoja mało dziecina... Dzisio żech je już większo, fest Ci dziynkuja! Za opieka, za starania, fest Cie miłuja!
Julia w wierszu „Uwe a Willi”
Nikola
To Ty wycierałaś moji łzy, jak mi się nie udoł sie piyrszy krok abo zepsuła sie ukochano lalka.
To Ty przytulałaś, jak świat okazoł się zły, tłumaczyłaś co robić i jako żyć.
Dziynkuja Ci mamo za zwyczajne sprawy, uśmiych, zrozumiyni, dni zabawy.
Piosynka „Matka” - uczynnice klasy V
Sara
Dziynkuja Ci mamo, Dziękuja za życi, Za paciyrz na wieczor I uśmiych wczas rano, Za bajki, kolory, za wszystko co wiysz , za złe humory tyż!
Dziynkuja…
Przedstawiyni „Czerwony Kapturek” - uczniowie klasy IV i V
Nikola
Za dobre matczyne słowo, że bronić zawsze nas je gotowo, że skrziwdzić nie do i tak jak umi nasze dzieciynce troski rozumi, że ślynczy z nami nad zeszytami, że razym z niom świat odkrywomy.
Sabina zaśpiywo piosynka „Ranne stowani”
Sara
Ty mie dobrze wychowałaś i w nauce pomogałaś. Rano, na wieczor pilnowałaś i dobrociom otaczałaś. Z tej okazji moja mamo chca Ci złożyć życzyń moc: pomyślności i radości Mamo, mamo żyj sto lot!
Przed wami Kabaret „W redakcji czasopisma dla kobiet” - uczniowie klasy VI
Nikola
Troszczy się o mie, jak żech je choro, Karci, jak jeżech do złego skoro
Jako kochać Boga zawsze nas uczy, martwi się dycki o stan mojij duszy.
Żebych szczynśliwo była, chce tego szczerze, A że tak bydzie, w to mocno wierza,
jak od nij słowom wierno zostana, powiem durch krotko: wspaniało mom Mama!
Kasia i Karolina w wierszu „Onaczynie w mieście Pszczynie”
Sara
Mamo weź te życzynia z wyrazami wdziynczności... życza Ci szczynścia, zdrowia i wszelkij pomyślności.
Dziynkuja, że znosiyłaś to, czego nie sposob było zniyść, że zrobiyłaś coś z niczego,
że dowałaś choć miałaś puste kapsy, że wybaczałaś, choć nie chciałach przepraszać,
że kochałaś, jak kochać się nie dowało, że mie wychowałaś, że też Ci sie udało.
Przedstawiyni „Dla mamy” - klasa VI
Ania - „A ja wolę moją mamę”