Dokument znajduje się w zbiorach Archiwum Głównego Akt Dawnych w Warszawie

─────────────────────────────────────────────────────────────────────────────

Akt elekcji arcyksięcia Maksymiliana Habsburga

na króla polskiego z 22 VIII 1587 roku

22 VIII 1587, na sejmie elekcyjnym pod Warszawą

♦

Nos consiliarii praelati spirituales et seculares barones, proceres, nobiles et universi status ac ordines

Regni Poloniae et Magni Ducatus Lithuaniae. Significamus universis et singulis praesentibus et futuris.

Quod post defunctum serenissimum Stephanum regem nostrum vacante hoc Regno et Magno Ducatu

Lithuaniae, comiciis rite ac legitime prius indictis, ad novum eligendum regem pro iure libertatum

nostrarum frequentes hoc Varsoviam convenimus. In qua deliberatione haec potissimum spectavimus:

primo ut pium et Orthodoxae religionis regem, regiis virtutibus ornatum atque ad Rempublicam

administrandam aptum ac idoneum recteque institutum assueremus. Deinde ut cum eo amicitias ac

faedera aliorum etiam Christianorum regnorum nobis compararemus atque ita Christiani nominis hostibus

formidabiliores, et contra illorum impressiones coniuncti firmiores essemus. Quae omnia cum in

amplissima Austriaca familia supra omnes Christianos principes imprimis elucere, summaque esse

videremus idcirco regem nobis ex eadem tam praeclara familia deligendum censuimus. Et quamvis a

communi Christiani nominis hoste Turcarum principe, minis ac terroribus variis, ne nos ad illam

laudatissimam familiam in electione regis applicaremus impediremur, tamen virtute fide ac potentia illius

tam insignis familiae freti, ab ea nos abduci, nullis machinationibus adversis passi sumus. Cumque ex alia

parte, a Moschorum principe isto nomine maximam latissimorum dominiorum accessionem oblatam

haberemus, non tamen eam tanti duximus, ut iis regiis virtutibus, quibus haec clarissima familia abundat

anteponeremus maiorem patriae faelicitatem, in splendore, gloria, et virtute regia, quam in accessione

aliqua reputantes. Qua quidem faelicitate patriae nostrae, animo concepta quo nos voluntas Dei Maximi,

quo consensus noster, quo utilitas Reipublicae traxit, in Dei nomine decretum hoc electionis ediximus,

pronunciavimus, et promulgavimus, ac regem Poloniae et magnum ducem Lithuaniae, Russiae, Prussiae,

Masoviae, Samogitiae, Kiioviae, Volhiniae, Podlachiae, Livoniae etc. etc. decrevimus eligendum sicuti

ius liberae electionis nobis competit. Prout in nomine Domini decernimus et eligimus praesentibus

serenissimum principem et dominum dominum Maximilianum divi olim Maximiliani Secundi

Romanorum imperatoris filium, archiducem Austriae, ducem Burgundiae, Stiriae, Carinthiae, Carniolae et

Vittenbergae etc. comitem Habsburgi et Tyrolis etc. Qui quidem princeps in toto Christiano orbe

virtutibus suis magnam dedit faelicis suae gubernationis significationem. Quapropter Polonia etiam et

──────────────────────────────────────────────────────────────────────────────────

Dokument znajduje się w zbiorach Archiwum Głównego Akt Dawnych w Warszawie

─────────────────────────────────────────────────────────────────────────────

Lithuania praestantissimas in hoc principe virtutes admirata, regem ultro eum sibi deposcere, ac omnium

nostrorum votis concordibus eligere voluit, quam ad rem non parvae ab ipsius Maiestate erga Regnum

hoc benevolentiae iacta sunt fundamenta: nam ipsius Maiestas conditiones et pactiones non modo

administrandae verum etiam conservandae Reipublicae utilissimas per oratores suos ad nos allegatos

dedit, et in posterum effecturum se promittit: ne Regnum hoc universae Christianitatis quasi

propugnaculum, cui hostes immanissimi et nomini Christiano infensissimi spe et animo incubant aliquid

(quod absit) integritatis et incolumitatis detrimenti capiat. Quam electionem prius quam decretum

nostrum, tam nostro quam illorum qui abfuerunt nominibus approbantes, tenendam, laudandam,

ratificandam, confirmandam, et emulgandam duximus, prout de certa scientia et voluntate nostra

approbamus, tenemus, laudamus, ratificamaus, confirmamus tenore praesencium mediante. Promittentes

pro nobis et successoribus nostris omnem fidelitatem honorem reverentiam subiectionem et obsequia

iusta legibusque nostris consentanea, servare, facere, exhibere, declarare serenissimo principi et domino

domino Maximiliano regi nostro et magno duci Lithuaniae electo, ita fideliter ut aliis quoque ipsius

Maiestatis antecessoribus regibus Poloniae, nobis iuste et legitimae imperantibus facere consuevimus, et

maiores nostri consueverunt. Quem etiam serenissimum regem nostrum electum quamprimum ad hoc

Regnum Deo favente appullerit, tanquam verum regem et dominum nostrum coronare et diademate

insignire sceptraque maiestatis tradere promittimus. Ita tamen et ea conditione ut ptius et ante omnia

serenissimus rex noster electus iura, libertates, immunitates, consuetudines omnium statuum tam

spiritalium quam secularium quas ab aliis regibus, principibus, ducibus ac dominis Regni Poloniae et

Magni Ducatus Lithuaniae aliarumque provinciarum ad Regnum pertinencium habuimus et habemus

quemadmodum etiam et ea omnia quae circa electionem serenissimi regis nostri pro iuribus

libertatibusque et statu Reipublicae augenda et conservanda per nos sunt constituta, sancita, correcta et

decreta servare, manutere, custodire, et iuramento corporali litterisque et privilegiis autenticis confirmare,

ratificare, munire et approbare. Eas item omnes conditiones, pactiones, quae tam per nos, quam per

oratores ipsius Maiestatis circa electionem nobis hic sunt oblatae, promissae, tractatae et vigore

mandatorum conclusae, atque iltem alia per oratores nostros ipsius Maiestati ratione iurium

corrigendorum libertatumque augendarum proponenda adimplere et ad finem perducere debeat, et sit

adstrictus. Insuper decretum hoc electionis, in virtute et potentia Dei Altissimi exequi, et ad optatum

debitumque finem deducere cupientes: de certa scientia maturoque omnium nostrorum consilio, ac

omnibus de modo iure, stylo servatis infrascriptos dominos ex parta senatus et equestris ordinis praelatos,

barones, nobiles Regni Poloniae, fratres nostros charissimos illustrissimum reverendissimos illustres

magnificos generoso et nobiles dominos Georgium tituli sancti Sixti S[anctae] R[omanae] E[cclesiae]

praesbiterum cardinalem Radzivilum Vilnensem, Jacobum Woronieczki de Zbarasz Kiioviensem,

episcopos, Stanislaum comitem a Gorka palatinum posnaniensem, Buscensem, Colensem, Ustiensem,

──────────────────────────────────────────────────────────────────────────────────

Dokument znajduje się w zbiorach Archiwum Głównego Akt Dawnych w Warszawie

─────────────────────────────────────────────────────────────────────────────

Nicolaum Radzivil ducem in Dubinki et Birze palatinum Novogrodensem, Moserensem, Merecensem

capitaneos, Janussium ducem in Ostrog palatinum Volhiniae, Joannem Zborowski de Rytwiany

castellanum Gnesnensem, Graudentinensem, Odolianoviensem, Volpensemque capitaneum,

Christophorum Komorowski in Zywiecz castellanum Oswiencimensem, Alexandrum ducem

Prunscensem Magni Ducatus Lithuaniae dapiferum, capitaneum Luceoriensem, Adamum Czarnkowski

capitaneum Pisdrensem, reverendum Sebastianum Brzozowski decanum Gnesnensem etc. Andream

Lesczynski de Leschno, Janussium Woronieczki de Zbarasz, Franciscum Maslowski notarium terrestrem

Wielunensem, Christophorum Pawlowski, […] Sapieha palatinidem Podlachiae ad eundem serenissimum

principem et dominum dominum Maximilianum Dei gratia regem Poloniae et Magnum Ducem

Lithuaniae electum ad praemissa debito ordine exequenda gestores actores et nuncios deputavimus et

deputamus dantes eis potestatem plenariam et mandatum generale praesens decretum electionis regiae in

quantum Maiestas regia prius conditionibus supramemoratis satisfecerit intimandi, ratificandi et ad

indubitatam notitiam ipsius Serenitati deducendi, aliaque omnia et singula quae circa electionem per nos

hic definita et ordinata sunt cum ipsius Serenitati transigendi et concludendi aliaque omnia quae negotium

praesens requirit quaeque ipsis a nobis literis instructionis praescripta sunt, statuendi et firmandi.

Aliquorum etiam si non aderint absentia non obstante. In quorum omnium fidem et testimonium sigilla

nostra sunt appensa. Actum et datum in conventione generali electionis novi regis ad Varsoviam in campo

prope civitatem et loco ad id ex senatus consulto publicato die vigesima secunda mensis Augusti Anno

Domini millesimo quingentesimo octuagesimo septimo. Praesentibus illudtrissimis ac reverendissimis

magnificis, spectabilibus, generosis ac nobilibus dominis Georgio tituli sancti Sixti S[anctae] R[omanae]

E[cclesiae] praesbitero cardinale Radziuilo nuncupato Vilnense, Jacobo Woronieczki de Zbarasz

Kiioviense episcopis, Stanislao comite a Gorca palatino Posnaniense, Buscense, Colense et Ustiense

capitaneo, Nicolao Christophoro Raadziuil duce in Olica et Nieswiesz, comite in Schydlowiecz et Myrr,

Trocense, Joanne Zborowski de Rythwiany Gnesnense, Graudentinense, Odolanoviense, Volpenseque

etc. capitaneo, Martino ab Ostrorog Lwowski Camenense, castellanis, Andrea Zborowski de Rythwiany

Regni Poloniae curiae marschalco, Radomienseque capitaneo, Alexandro Prunski dapifero Magni

Ducatus Lithuaniae et Luceoriense capitaneo, Nicolao Jazlowieczki de Buczacz capitaneo Sniatinense,

Sebastiano Brzozowski decano Gnesnense, Benedicto Woyna praeposito Trocense, Casparo Dembienski

succamerario Mielnicense et in hisce comitiis electionis regis nobilitatis universae marschalco, Stanislao

Sandivogio a Czarnkow Regni curiae referendario, […] Grzybowski succamerario Varsoviense, Martino

Chelmski vexillifero Cracoviense, Christophero Klomiczki subiudice terrae Vielunensis, Joanne

Karczewski pocillatore Czernense, Georgio Zeleski thesaurario Lanciciense, Petro a Czarnkow, Petro

Thomiczki a Thomicze, Spitcone Jordan de Zakliczyn Sandecense, Adamo Czarnkowski Pisdrense, Petro

Dunin Wolski Piotrcowiense, Zbigneo Ossolinski, Stanislao, Martino, Samuele, Joanne, Andrea et altero

──────────────────────────────────────────────────────────────────────────────────

Dokument znajduje się w zbiorach Archiwum Głównego Akt Dawnych w Warszawie

─────────────────────────────────────────────────────────────────────────────

Stanislao et Andrea Stadniczkich de Zmigrod, Stanislao Cziolek de Zelechowo, Stanislao Uchanski de

Sluzewo, Joanne Herbort a Fulstin, Andrea Cikowski, Martino Borek Gostinski, […] Tharlo de

Sczekarzowicze, Joanne Grato Tarnowski, Casparo Zebrzydowski, Christophoro Warszawiczki aulico et

secretario regio, Petro Choienski, Georgio Rosnowski, Joanne Zielienski secretario regio, Joanne

Trambski, Joanne Machowski, Procopio Pekoslawski, Christophoro Pawlowski, Joanne Iwan Kaminski,

Stanislao Pstrokonski, Nicolao Samboreczki, Stanislao Orlik de Laziska, Sebastiano Cziolek de Gutow,

Joanne Swierczewski, Mathia Orzelski de Orlie, Alberto Zyemski, Mathia Domaniewski, Alberto et

Thoma Marszewskich de Buzenin, Nicolao Kowaliewski vicecapitaneo Piotrcoviense, Andrea

Karchowski aulico et stipendiario regio, Stanislao Bieganowski aulico et dapifero regio, Joanne

Szymanowski de Sczytno, Thoma Zolandz, Mathia Kmita de Wolia, Joanne Osczik, Hieronimo Zaklika,

Petro Maslowski, Joanne Skaszewski de Skazew, Alberto Sziekliczki, Melchiore Jezewski, Bernhardo

Brzozowski, Stanislao Lopateczki, Victorino Zborzynski, Andrea Przeczlawski et Andrea Niegolewskich,

Stanislao Czepowski vicecapitaneo Buscense, Stanislao Lopateczki vicecapitaneo Volpense, Joanne

Czieminski, Sebastiano Kiczki de Kity, Andrea Golinski et aliis quamplurimis suffragantibus et

consentientibus in electionem praesentem.

(-) Geor[gius] card[inalis] Radziuil e[pisco]pus Vilnen[sis] manu p[ro]pria. (-) Jacobus Zbaraski in

Woronczin ep[iscopu]s Kiioviensis manu mea p[ro]pria. (-) Stanislaus comes a Gorka palatinus

Posnaniensis manu p[ro]p[ria]. (-) Nicolaus Christophorus Radziuil Olicae dux ma[nu] p[ro]pria. (-)

Joannes Zborowski castellanus Gnesnensis manu p[ro]pria. (-) Alexander Pronski dapifer Magni Ducatus

Lithuaniae capitaneus Luceoriensis manu p[ro]pria. (-) Andreas a Sborow marsalcus c[uriae] R[egni]

cap[itaneus] Radomiensis manu propria. Caspar Dembinski succamerarius Mielnicensis et in electione

nobilitatis marschalcus suo et universae nobilitatis nomine subscripsit.